---
title: "മലബാർ ടൂറിസം കൗൺസിൽ അവാർഡ് പ്രഖ്യാപിച്ചു: അജു ഇമാനുവലിനും ടി പി എം ഹാഷിർ അലിക്കും പുരസ്കാരം"
english_title: "Malabar Tourism Council awards announced Aju Emmanuel and TPM Hashir Ali receive awards"
publisher: "newskozhikode.in"
canonical_url: "https://kozhikode.truevisionnews.com/news/290210/malabar-tourism-council-awards-announced-aju-emmanuel-and-tpm-hashir-ali-receive-awards"
published_at: "2025-05-15T17:05:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6825d1a2d543c_76577.jpg"
keywords: []
---

# മലബാർ ടൂറിസം കൗൺസിൽ അവാർഡ് പ്രഖ്യാപിച്ചു: അജു ഇമാനുവലിനും ടി പി എം ഹാഷിർ അലിക്കും പുരസ്കാരം

> **Lead Summary:** **കോഴിക്കോട് : [** മലബാർ ടൂറിസം കൗൺസിൽ ( എം ടി സി ) ഏർപ്പെടുത്തിയ രണ്ടാമത് അവാർഡുകൾ പ്രഖ്യാപിച്ചു. അജു ഇമാനുവൽ, കോഴിക്കോട് അഗ്രോ ഫാം ടൂറിസം (ഗ്രാമീണ ടൂറിസം) , ടി പി എം ഹാഷിർ അലി ( ടൂറിസം പ്രൊമോട്ടർ ) എന്നിവർ പുരസ്കാരം.

## Article Content

**കോഴിക്കോട് : [** മലബാർ ടൂറിസം കൗൺസിൽ ( എം ടി സി ) ഏർപ്പെടുത്തിയ രണ്ടാമത് അവാർഡുകൾ പ്രഖ്യാപിച്ചു. അജു ഇമാനുവൽ, കോഴിക്കോട് അഗ്രോ ഫാം ടൂറിസം (ഗ്രാമീണ ടൂറിസം) , ടി പി എം ഹാഷിർ അലി ( ടൂറിസം പ്രൊമോട്ടർ ) എന്നിവർ പുരസ്കാരം.

10,001 രൂപയും പ്രശസ്തിപത്രവും ശില്പവും അടങ്ങുന്ന പുരസ്കാരം ഈ മാസം 17 ന് വൈകിട്ട് 5 ന് പ്ലാനിറ്റോറിയത്തിന് സമീപം ഹോട്ടൽ നെക്സ്റ്റാ മലബാറിക്കസിൽ നടക്കുന്ന എം ടി സി യുടെ വാർഷിക ജനറൽ ബോഡി യോഗത്തിൽ മേയർ എം ബീന ഫിലിപ്പ് സമ്മാനിക്കും.

കാലിക്കറ്റ് പ്രസ് ക്ലബ് പ്രസിഡണ്ട് ഇ പി മുഹമ്മദ് മുഖ്യതിഥിയാകും. ട്രാവൽ ആൻ്റ് ടൂറിസം രംഗത്ത് നിറ സാന്നിധ്യമായിരുന്ന എം പി എം മുബഷീർ അനുസ്മരണം , പുതിയ ഭാരവാഹികളെ തെരഞ്ഞെടുക്കൽ എന്നിവ നടക്കും. എം ടി സി രൂപീകരിച്ച് 3 വർഷത്തിനുള്ളിൽ 37 ടൂറിസം വികസന പദ്ധതികൾ ടൂറിസം രംഗത്ത് നടപ്പിലാക്കി.

ട്രാവൽ ഏജൻ്റ് മാർ , ടൂർ ഓപ്പറേറ്റർമാർ എന്നിവർക്ക് പരിശീലനം, ശിൽപശാല, പരിശീലന യാത്രകൾ , ഉത്തര വാദിത്വം ടൂറിസം പദ്ധതികകളെ കുറിച്ച് ബോധവത്കരണ ക്ലാസ്, കേന്ദ്ര - കേരള സർക്കാർ ടൂറിസം പദ്ധതികൾ പരിചയപ്പെടുത്തൽ എന്നിവയാണ് എം ടി സി നിർവ്വഹിക്കുന്നത്.

വാർത്ത സമ്മേളനത്തിൽ മലബാർ ടൂറിസം കൗൺസിൽ പ്രസിഡണ്ട് സജീർ പടിക്കൽ , സെക്രട്ടറി രജീഷ് രാഘവൻ , വൈസ് പ്രസിഡന്റ് പ്രിൻസ് സാം വിൽസൺ , ട്രഷറർ യാസർ അറഫാത്ത് എന്നിവർ പങ്കെടുത്തു.

### Related Links & Sources
- [Original Story Source](https://kozhikode.truevisionnews.com/news/290210/malabar-tourism-council-awards-announced-aju-emmanuel-and-tpm-hashir-ali-receive-awards)