---
title: "ഏഷ്യൻ ആംസ് റസ്‌ലിംഗ് ചാമ്പ്യൻഷിപ്പിൽ വെള്ളിമെഡൽ കരസ്ഥമാക്കി പാലത്ത് സ്വദേശിനി തഫ്ഹീമ ഖൻസ"
english_title: "Palath native Tafheema Khansa wins silver medal  Asian Arm Wrestling Championship"
publisher: "newskozhikode.in"
canonical_url: "https://kozhikode.truevisionnews.com/news/288885/palath-native-tafheema-khansa-wins-silver-medal-asian-arm-wrestling-championship"
published_at: "2025-05-08T23:47:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/681cf5487a20c_dddd.jpg"
keywords: []
---

# ഏഷ്യൻ ആംസ് റസ്‌ലിംഗ് ചാമ്പ്യൻഷിപ്പിൽ വെള്ളിമെഡൽ കരസ്ഥമാക്കി പാലത്ത് സ്വദേശിനി തഫ്ഹീമ ഖൻസ

> **Lead Summary:** **ചേളന്നൂർ: [ **പാലത്ത് സ്വദേശിനിയായ തഫ്ഹീമ ഖൻസ ഇന്ത്യയ്ക്കായി അഭിമാനകരമായ നേട്ടം സ്വന്തമാക്കി. ഡൽഹിയിൽ നടന്ന ഏഷ്യൻ ആംസ് റസ്ലിംഗ് ചാമ്പ്യൻഷിപ്പിൽ ജൂനിയർ ഗേൾസ് 60 കിലോഗ്രാം വിഭാഗത്തിൽ തഫ്ഹീം ഖൻസ വെള്ളിമെഡൽ കരസ്ഥമാക്കി.

## Article Content

**ചേളന്നൂർ: [ **പാലത്ത് സ്വദേശിനിയായ തഫ്ഹീമ ഖൻസ ഇന്ത്യയ്ക്കായി അഭിമാനകരമായ നേട്ടം സ്വന്തമാക്കി. ഡൽഹിയിൽ നടന്ന ഏഷ്യൻ ആംസ് റസ്ലിംഗ് ചാമ്പ്യൻഷിപ്പിൽ ജൂനിയർ ഗേൾസ് 60 കിലോഗ്രാം വിഭാഗത്തിൽ തഫ്ഹീം ഖൻസ വെള്ളിമെഡൽ കരസ്ഥമാക്കി.

കായിക മികവിന്റെ ഉജ്ജ്വല ഉദാഹരണമായി തഫ്ഹീമയുടെ ഈ വിജയം മാറുന്നു. കരുത്തും മനോബലവും ഒന്നിച്ചുള്ള പ്രകടനത്തിലൂടെയാണ് അവൾ ഫൈനലിലേക്ക് എത്തിയതും, ശക്തമായ മത്സരത്തിന് ശേഷം വെള്ളിമെഡൽ സ്വന്തമാക്കുന്നതും. മുൻപ് നിരവധി ദേശീയ മത്സരങ്ങളിൽ വിജയിച്ച തഫ്ഹീം, ആദ്യമായി അന്തർദേശീയ വേദിയിൽ തന്റേതായ മുദ്ര പതിപ്പിച്ചിരിക്കുകയാണ്.

തഫ്ഹീമയുടെ പരിശീലനത്തിൽ ഏറെ പങ്ക് വഹിച്ച ആം ഫൈറ്റേഴ്സ് സ്റ്റുഡിയോ പരിശീലകൻ ഷൗക്കത്ത് വി. ഈ നേട്ടം പ്രദേശത്തിനും ജില്ലാ കായികരംഗത്തും ഒരു പുതിയ പ്രതീക്ഷയായി മാറുമെന്ന് പറഞ്ഞു. സാമൂഹിക മാധ്യമങ്ങളിൽ നിരവധി പേരാണ് തഫ്ഹീമയെ അഭിനന്ദിച്ച് മുന്നോട്ട് വന്നത്.

### Related Links & Sources
- [Original Story Source](https://kozhikode.truevisionnews.com/news/288885/palath-native-tafheema-khansa-wins-silver-medal-asian-arm-wrestling-championship)