കൊടുവള്ളി ( കോഴിക്കോട് ) : (newskozhikode.in) ദേശീയപാത 766ൽ മദ്റസ ബസാറിൽ കെ.എസ്.ആർ.ടി.സി ബസ് കടയിലേക്ക് ഇടിച്ചുകയറി അപകടം. അഞ്ചുപേർക്ക് പരിക്കേറ്റു.
തിങ്കളാഴ്ച രാവിലെ 11.45 ഓടെയായിരുന്നു അപകടം. ഡ്രൈവർ അബ്ദുൽ റഷീദ്, യാത്രക്കാരായ പുഷ്പ, ശ്രീക്കുട്ടി, ട്രീസ, അനു എന്നിവർക്കാണ് പരിക്കേറ്റത്. ഇവരെ സ്വകാര്യ ആശുപത്രിയിൽ പ്രവേശിപ്പിച്ചു.
ബത്തേരിയിൽനിന്ന് കോഴിക്കോട് ഭാഗത്തേക്ക് പോവുകയായിരുന്ന കെ.എസ്.ആർ.ടി.സി ടൗൺ ടു ടൗൺ ബസ് ഇവിടെയുള്ള കയറ്റം ഇറങ്ങി വളവ് തിരിയുന്നതിനിടെ നിയന്ത്രണം വിട്ട് ടി.പി. സക്കീറിന്റെ ഉടമസ്ഥതയിലുള്ള കെട്ടിടത്തിലേക്ക് ഇടിച്ചു കയറുകയായിരുന്നു.
കെട്ടിടത്തിൽ പ്രവർത്തിച്ചിരുന്ന ബൈക്ക് വർക്ക് ഷോപ്പിന് കേടുപാടുകൾ സംഭവിക്കുകയും ഇവിടെയുണ്ടായിരുന്ന ബൈക്കുകൾ ബസിനടിയിൽപ്പെട്ട് തകരുകയും ചെയ്തു.
സമീപത്തെ ചെറിയഹമ്മദിന്റെ പലചരക്ക് കടക്കും കേടുപാടുകൾ സംഭവിച്ചിട്ടുണ്ട്.
ഒരു മാസത്തിനിടെ മദ്റസ ബസാറിൽ ബസുകൾ നിയന്ത്രണംവിട്ട് കടകളിലേക്ക് ഇടിച്ചു കയറിയുണ്ടാകുന്ന മൂന്നാമത്തെ അപകടമാണിത്.
#Kozhikode #KSRTCbus #crashes #shop, #accident; #Five #people #injured
.jpeg)
.jpeg)
