#RTFest | വസ്ത്രങ്ങളില്‍ വിരിഞ്ഞ കലകളും കരകൗശല കൗതുകങ്ങളുമായി ടെക്‌സ്‌റ്റൈല്‍ ആര്‍ട്ട്

#RTFest | വസ്ത്രങ്ങളില്‍ വിരിഞ്ഞ കലകളും കരകൗശല കൗതുകങ്ങളുമായി ടെക്‌സ്‌റ്റൈല്‍ ആര്‍ട്ട്
Dec 27, 2023 12:18 PM | By VIPIN P V

കോഴിക്കോട് : (kozhikode.truevisionnews.com) വസ്ത്രങ്ങളില്‍ വിരിഞ്ഞ വര്‍ണക്കാഴ്ചകള്‍ മുതല്‍ കരവിരുതില്‍ തീര്‍ത്ത ദൃശ്യവിസ്മയങ്ങള്‍ വരെ ഒരു കുടക്കീഴില്‍ അണിനിരത്തി ഉത്തരവാദിത്ത ടൂറിസം ആന്റ് ടെക്‌സ്‌റ്റൈല്‍ ആര്‍ട്ട് ഫെസ്റ്റ്.


ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിനോടനുബന്ധിച്ച് ഫറോക്ക് നല്ലൂര്‍ ഇ കെ നായനാര്‍ മിനി സ്റ്റേഡിയത്തില്‍ ഒരുക്കിയ ആര്‍ടി മേള ആദ്യദിവസം തന്നെ താരമായി മാറിക്കഴിഞ്ഞു.

വിവിധ സംസ്ഥാനങ്ങളില്‍ നിന്നുള്ള വസ്ത്രവൈവിധ്യവും കരകൗശല ഉല്‍പ്പന്നങ്ങളും സ്വന്തമാക്കാനും അവയുടെ നിര്‍മാണ രീതികള്‍ നേരില്‍ക്കാണാനുമായി നിരവധി പേരാണ് ഇവിടെയെത്തിയത്.


കേരളത്തിനു പുറമെ, തമിഴ്നാട്, അസം, ഗുജറാത്ത്, തെലങ്കാന, രാജസ്ഥാന്‍, സിക്കിം, മധ്യപ്രദേശ്, ഛത്തിസ്ഗഢ്, പശ്ചിമ ബംഗാള്‍, നാഗലാന്റ്, ഉത്തര്‍പ്രദേശ്, ഡല്‍ഹി, പുതുച്ചേരി, ഒഡീഷ, മഹാരാഷ്ട്ര, ജാര്‍ഖണ്ഡ് എന്നീ സംസ്ഥാനങ്ങളില്‍ നിന്നുള്ള പാരമ്പര്യ വസ്ത്രനിര്‍മാതാക്കളും കലാകാരന്‍മാരുമാണ് ഉത്തരവാദിത്ത ടൂറിസം മിഷന്റെ നേതൃത്വത്തിലൊരുക്കിയ ആര്‍ടി ഫെസ്റ്റില്‍ പങ്കെടുക്കുന്നത്.

വസ്ത്രങ്ങള്‍, ആഭരണങ്ങള്‍, മുള ഉല്‍പ്പന്നങ്ങള്‍, അലങ്കാര വസ്തുക്കള്‍, ബേപ്പൂരിന്റെ മുഖമുദ്രയായ ഉരു, മണ്‍പാത്രങ്ങളിലെ മ്യൂറല്‍ പെയിന്റിംഗ്, കളിമണ്‍ നിര്‍മിതികള്‍, മുള കൊണ്ടുള്ള ഉൽപന്നങ്ങള്‍ തുടങ്ങിയവയ്‌ക്കൊപ്പം നെയ്ത്ത്, കയര്‍നിര്‍മാണം, ടെക്‌സ്റ്റൈല്‍ ആര്‍ട്ട് ഉള്‍പ്പെടെയുള്ളവയുടെ തത്സമയ പ്രദര്‍ശനവും ഇവിടെ ഒരുക്കിയിട്ടുണ്ട്.


ഡിസംബര്‍ 30 വരെ എല്ലാ ദിവസവും ഉച്ചയ്ക്ക് രണ്ട് മണി മുതല്‍ 10 മണി വരെ നടക്കുന്ന മേളയില്‍ വിവിധ സംരംഭകരുടെ 50 ഓളം സ്റ്റാളുകളും 15 ലൈവ് ഡെമോ സ്റ്റാളുകളുമുണ്ട്.

ആയഞ്ചേരിയിലെ കുഞ്ഞിരാമന്‍ മാഷും സംഘവും അവതരിപ്പിക്കുന്ന പാവനാടകമാണ് മേളയുടെ മറ്റൊരു പ്രധാന ആകര്‍ഷണം. കുട്ടികള്‍ക്കും മുതിര്‍ന്നവര്‍ക്കും ഒരു പോലെ ആസ്വാദ്യകരമാണ് പ്രദര്‍ശന സ്റ്റാളിലെ പ്രത്യേക വേദിയില്‍ നടക്കുന്ന പാവനാടകങ്ങളുടെ പ്രദര്‍ശനം.

ആര്‍ടി മേളയുടെ ഔദ്യോഗിക ഉദ്ഘാടനം ഇന്ന് വൈകിട്ട് 4.30ന് ടൂറിസം പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് നിര്‍വഹിക്കും.

#Textile #art #arts #crafts #curiosities #clothes #Fest #Farooq #begins #RT #NallurStadium

Next TV

Related Stories
#accident | കോഴിക്കോട് സ്കൂട്ടറും കാറും കൂട്ടിയിടിച്ച് അപകടം; യുവതി മരിച്ചു

Apr 13, 2024 02:55 PM

#accident | കോഴിക്കോട് സ്കൂട്ടറും കാറും കൂട്ടിയിടിച്ച് അപകടം; യുവതി മരിച്ചു

പൊയിൽകുന്നത്ത് വെച്ച് മുസഫറും ഫർസാനയും സഞ്ചരിച്ച സ്കൂട്ടറും കാറും തമ്മിൽ കൂട്ടിയിടിക്കുകയായിരുന്നു. അപകടത്തിൽ ഫർസാന റോഡിലേക്ക് തെറിച്ചുവീണു....

Read More >>
#childdeath | കോഴിക്കോട് ഒന്നര വയസുകാരി വീട്ടിൽ മരിച്ച നിലയിൽ; മാതാവ് കസ്റ്റഡിയിൽ

Apr 11, 2024 03:37 PM

#childdeath | കോഴിക്കോട് ഒന്നര വയസുകാരി വീട്ടിൽ മരിച്ച നിലയിൽ; മാതാവ് കസ്റ്റഡിയിൽ

അട്ടക്കുണ്ട് പാലത്തിന് സമീപത്ത് ഇന്ന് രാവിലെ 10മണിയോടെയാണ്...

Read More >>
#fire | കോഴിക്കോട് ഐ.ഒ.സി പ്ലാന്റിന് സമീപം അജ്ഞാതര്‍ തീയിട്ടതായി പൊലീസ്; കത്തിച്ചത് 50 കിലോ കേബിള്‍

Apr 9, 2024 10:26 PM

#fire | കോഴിക്കോട് ഐ.ഒ.സി പ്ലാന്റിന് സമീപം അജ്ഞാതര്‍ തീയിട്ടതായി പൊലീസ്; കത്തിച്ചത് 50 കിലോ കേബിള്‍

സമീപത്തെ അടിക്കാടുകളിലേക്ക് തീ പടര്‍ന്നിരുന്നെങ്കില്‍ അത് പെട്ടെന്ന് തന്നെ ഐ.ഒ.സിയിലേക്ക് വ്യാപിച്ച് വന്‍...

Read More >>
#protest | കൺസ്യൂമർഫെഡ് ചന്തയ്ക്ക് വിലക്ക്; ജീവനക്കാർ പ്രതിഷേധിച്ചു

Apr 9, 2024 04:40 PM

#protest | കൺസ്യൂമർഫെഡ് ചന്തയ്ക്ക് വിലക്ക്; ജീവനക്കാർ പ്രതിഷേധിച്ചു

കോഴിക്കോട് മുതലക്കുളം റീജിയണൽ ഓഫീസിന് മുമ്പിൽ നടന്ന പ്രതിഷേധം സിഐടിയു ജില്ലാ പ്രസിഡണ്ട് മാമ്പറ്റ ശ്രീധരൻ ഉദ്ഘാടനം...

Read More >>
Top Stories