#Protests | കേന്ദ്ര സർക്കാർ നടത്തുന്ന കടന്നാക്രമണങ്ങൾക്കെതിരെ പ്രതിഷേധം

കോഴിക്കോട്‌: (kozhikode.truevisionnews.com) കേരളത്തിലെ സഹകരണ മേഖലയെ തകർക്കാൻ കേന്ദ്ര സർക്കാർ നടത്തുന്ന കടന്നാക്രമണങ്ങൾക്കെതിരെ സഹകാരികളുടെ പ്രതിഷേധം.

സഹകരണ സംരക്ഷണ സമിതി സംഘടിപ്പിച്ച മാനാഞ്ചിറ ആദായനികുതി ഓഫീസ്‌ മാർച്ചിൽ ജില്ലയിലെ സഹകാരികളും സഹകരണ ജീവനക്കാരുമായ നൂറുകണക്കിനാളുകൾ അണിനിരന്നു.

Also read: ഫറോക്ക് ഇഎസ്ഐ ആശുപത്രി: തിരുവനന്തപുരത്ത് യോഗം ചേരുമെന്ന് മന്ത്രി പി എ മുഹമ്മദ് റിയാസ്

കോർപറേറ്റുകൾക്കും ഓഹരി വിപണിയിലെ വമ്പൻമാർക്കും വഴിതുറക്കാനായി സഹകരണ മേഖലയിൽ ഇഡി ഉൾപ്പെടെയുള്ള കേന്ദ്ര ഏജൻസികളെ ഉപയോഗിച്ച്‌ നടത്തുന്ന നീക്കങ്ങൾക്കെതിരെയായിരുന്നു മാർച്ച്‌. ടി പി രാമകൃഷ്ണൻ എംഎൽഎ ധർണ ഉദ്ഘാടനംചെയ്‌തു.

പ്രൈമറി കോ -ഓപറേറ്റീവ്‌ സൊസൈറ്റീസ്‌ അസോസിയേഷൻ സംസ്ഥാന പ്രസിഡന്റ്‌ മനയത്ത്‌ ചന്ദ്രൻ അധ്യക്ഷനായി.

സിപിഐ എം ജില്ലാ സെക്രട്ടറി പി മോഹനൻ, ടി കെ രാജൻ, ഇ രമേശ്‌ ബാബു, കെ നൗഷാദ്‌, ആയാടത്തിൽ രവീന്ദ്രൻ, ഒ പി റഷീദ്‌, കെ ടി അനിൽകുമാർ, ഇ സുനിൽകുമാർ, ടി പി ദാസൻ, വി പി കുഞ്ഞികൃഷ്‌ണൻ, പി കെ ദിവാകരൻ എന്നിവർ സംസാരിച്ചു.

Also read: ആദ്യ കാല കമ്മ്യൂണിസ്റ്റ് പ്രവർത്തകൻ നടത്തലക്കൽ കുഞ്ഞിക്കണാരൻ നായർ അന്തരിച്ചു

ജില്ലാ സഹകരണ സംരക്ഷണ സമിതി കൺവീനർ എം മെഹബൂബ്‌ സ്വാഗതവും ടി വി നിർമലൻ നന്ദിയും പറഞ്ഞു.

#Protests #against #central #government'#attacks