---
title: "ലഹരിക്കെതിരെ കേരളം ഒരുമിക്കുന്നു; പൊലീസ് നടപടികൾക്കൊപ്പം ജനകീയ കൂട്ടായ്മയും, 1200 തദ്ദേശ സ്ഥാപനങ്ങളിൽ ‘തൂഫാൻ തദ്ദേശം’ ആരംഭിച്ചു"
english_title: "Thoofan Thaddesham Launched Across 1200 Local Self-Government Institutions in Kerala"
publisher: "newskozhikode.in"
canonical_url: "https://kozhikode.truevisionnews.com/news/384829/thoofan-thaddesham-launched-1200-local-bodies-kerala"
published_at: "2026-09-30T11:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6abca36959ead_thoofan-thaddesham-launched-1200-local-bodies-kerala.jpg"
keywords: ["Thoofan Thaddesham", "Operation Thufan", "Kerala", "Anti Drug Campaign", "Local Self Government", "Drug Prevention"]
---

# ലഹരിക്കെതിരെ കേരളം ഒരുമിക്കുന്നു; പൊലീസ് നടപടികൾക്കൊപ്പം ജനകീയ കൂട്ടായ്മയും, 1200 തദ്ദേശ സ്ഥാപനങ്ങളിൽ ‘തൂഫാൻ തദ്ദേശം’ ആരംഭിച്ചു

> **Lead Summary:** തിരുവനന്തപുരം: ലഹരിക്കെതിരായ കേരളത്തിന്റെ പോരാട്ടത്തിന് തദ്ദേശ ജനകീയ കൂട്ടായ്മയുടെ കരുത്ത് പകരുന്ന ‘തൂഫാൻ തദ്ദേശം’ സംസ്ഥാനത്തെ 1200 തദ്ദേശ സ്വയംഭരണ സ്ഥാപനങ്ങളിലും ഒരേസമയം ആരംഭിച്ചു. ഓപ്പറേഷൻ തൂഫാന്റെ രണ്ടാം ഘട്ടമായ ‘തൂഫാൻ തദ്ദേശ’ത്തിന്റെ സംസ്ഥാനതല ഉദ്ഘാടനം വേങ്ങര മലബാർ കോളേജ് ഗ്രൗണ്ടിൽ ആഭ്യന്തര വകുപ്പ് മന്ത്രി രമേശ് ചെന്നിത്തല നിർവഹിച്ചതോടെയാണ് ഗ്രാമ, ബ്ലോക്ക്, ജില്ലാ പഞ്ചായത്തുകൾ ഉൾപ്പെടെയുള്ള തദ്ദേശ സ്ഥാപനങ്ങളിലും തൂഫാൻ പതാക ഉയർന്നത്.

## Article Content

തിരുവനന്തപുരം: ലഹരിക്കെതിരായ കേരളത്തിന്റെ പോരാട്ടത്തിന് തദ്ദേശ ജനകീയ കൂട്ടായ്മയുടെ കരുത്ത് പകരുന്ന ‘തൂഫാൻ തദ്ദേശം’ സംസ്ഥാനത്തെ 1200 തദ്ദേശ സ്വയംഭരണ സ്ഥാപനങ്ങളിലും ഒരേസമയം ആരംഭിച്ചു. ഓപ്പറേഷൻ തൂഫാന്റെ രണ്ടാം ഘട്ടമായ ‘തൂഫാൻ തദ്ദേശ’ത്തിന്റെ സംസ്ഥാനതല ഉദ്ഘാടനം വേങ്ങര മലബാർ കോളേജ് ഗ്രൗണ്ടിൽ ആഭ്യന്തര വകുപ്പ് മന്ത്രി രമേശ് ചെന്നിത്തല നിർവഹിച്ചതോടെയാണ് ഗ്രാമ, ബ്ലോക്ക്, ജില്ലാ പഞ്ചായത്തുകൾ ഉൾപ്പെടെയുള്ള തദ്ദേശ സ്ഥാപനങ്ങളിലും തൂഫാൻ പതാക ഉയർന്നത്.

ലഹരിക്കെതിരായ പോരാട്ടം പൊലീസ് നടപടികളിൽ മാത്രം പരിമിതപ്പെടുത്താതെ ഓരോ വാർഡിലേക്കും ഓരോ വീടുകളിലേക്കും എത്തിക്കുകയാണ് ‘തൂഫാൻ തദ്ദേശ’ത്തിന്റെ ലക്ഷ്യം. തദ്ദേശ സ്വയംഭരണ സ്ഥാപനങ്ങളുടെ ജനകീയ അടിത്തറയും പൊലീസ് സംവിധാനത്തിന്റെ നിയമപരമായ ഇടപെടലുകളും സംയോജിപ്പിച്ച് ലഹരിവിരുദ്ധ പ്രവർത്തനങ്ങളിൽ കൂടുതൽ ജനപങ്കാളിത്തം ഉറപ്പാക്കുന്നതിനാണ് പദ്ധതി നടപ്പാക്കുന്നത്.

തദ്ദേശ സ്ഥാപനങ്ങളിലെ അധ്യക്ഷന്മാർ, ജനപ്രതിനിധികൾ, ഉദ്യോഗസ്ഥർ, വിവിധ ജനകീയ കൂട്ടായ്മകൾ എന്നിവരും ലഹരിക്കെതിരായ ദൗത്യത്തിന്റെ ഭാഗമായി ‘തൂഫാൻ വാരിയർമാരായി’ അണിനിരന്നു. ഓരോ വാർഡിലും ലഹരിക്കെതിരായ ജാഗ്രതയും പ്രതിരോധ പ്രവർത്തനങ്ങളും ശക്തമാക്കുന്നതിനുള്ള ജനജാഗ്രതാ പ്രവർത്തനങ്ങൾക്കും ഇതോടെ തുടക്കമായി.

സംസ്ഥാനതല ഉദ്ഘാടന വേദിയിൽ ഉയർന്ന തൂഫാൻ പതാകയുടെ സന്ദേശം സംസ്ഥാനത്തെ ഓരോ തദ്ദേശ സ്ഥാപനങ്ങളിലേക്കും ഒരേസമയം എത്തിച്ചു. പൊലീസ് സംവിധാനത്തിന്റെ ഇടപെടലുകൾക്കൊപ്പം തദ്ദേശ സ്ഥാപനങ്ങളെയും ജനപ്രതിനിധികളെയും ജനങ്ങളെയും ലഹരിവിരുദ്ധ പ്രവർത്തനങ്ങളുടെ ഭാഗമാക്കുന്നതാണ് ‘തൂഫാൻ തദ്ദേശ’ത്തിലൂടെ ലക്ഷ്യമിടുന്നത്.

ഓപ്പറേഷൻ തൂഫാന്റെ രണ്ടാം ഘട്ടമായി ആരംഭിച്ച ‘തൂഫാൻ തദ്ദേശം’ വഴി തദ്ദേശ സ്ഥാപനങ്ങളുടെ നേതൃത്വത്തിൽ ഓരോ വാർഡിലും ലഹരിക്കെതിരായ ജാഗ്രതയും പ്രതിരോധവും ശക്തമാക്കുന്നതിനുള്ള പ്രവർത്തനങ്ങൾക്കാണ് തുടക്കമായത്.

**English Summary:**

‘Thufan Thaddesham’, the second phase of Operation Thufan, has been launched simultaneously across 1,200 local self-government institutions in Kerala. Home Affairs Minister Ramesh Chennithala inaugurated the state-level programme at Malabar College Ground in Vengara. Thufan flags were raised across village, block and district panchayats and other local institutions. The initiative aims to extend anti-drug activities beyond police action to every ward and household by combining local self-government institutions, public representatives, officials and community groups with the police system. Participants have also joined the campaign as ‘Thufan Warriors’.

### Related Links & Sources
- [Original Story Source](https://kozhikode.truevisionnews.com/news/384829/thoofan-thaddesham-launched-1200-local-bodies-kerala)