കലാ ലീഗ് ജില്ലാ കമ്മിറ്റി ജുലൈ 12 ന് കോഴിക്കോട് വെച്ച് മാനവിക ഐക്യ സന്ദേശ സദസ്സും ഇശൽ നൈറ്റും നടത്തും

Jun 3, 2025 08:42 PM

കോഴിക്കോട്: (kozhikode.truevisionnews.com) കേരളകലാ ലീഗ് കോഴിക്കോട് ജില്ലാ കമ്മറ്റി അടുത്തമാസം 12 ന്. കോഴിക്കോട് ടൗൺ ഹാളിൽ വെച്ച് സംഘടിപ്പിക്കുന്ന മാനവിക ഐക്യ സന്ദേശസദസ്സും ഇശൽനൈറ്റും കലാകാരൻ മാരെ ആദരിക്കൽ ചടങ്ങും നടത്തപ്പെടും. പരിപാടി വിജയിപ്പിക്കുന്നതിന് വേണ്ടി സ്വാഗത സംഘം രൂപീകരിച്ചു.

കോഴിക്കോട് മെഡി.കോളേജ് ഹോട്ടൽ സന ഓഡിറ്റോറിയത്തിൽ വെച്ച് സംഘടിപ്പിച്ച കൺവെൻഷൻ ജില്ലാ മുസ്ലിം യൂത്ത് ലീഗ് സീനിയർ വൈ. പ്രസിഡണ്ട് സി.ജാഫർ സാദിഖ് ഉദ്ഘാടനം ചെയ്തു. കലാ ലീഗ് ജില്ലാ പ്രസിഡണ്ട് സുബൈർ നെല്ലൂളിയുടെ അദ്ധ്യക്ഷതയിൽ കലാ ലീഗ് സംസ്ഥാന ചെയർമാൻ തൽഹത്ത് കുന്ദമംഗലം, മജീദ് അമ്പലക്കണ്ടി, മുജീബ് റഹ്മാൻ ഇടക്കണ്ടി, കെ.കെ.കോയ, ഖാദർ ഹാജി കൊടുവള്ളി, അബ്ദുള്ളക്കോയ ചെറുപ്പ,, റഷീദ് നാസ്, ടി.കെ.സീനത്ത്, കെ.എം.ആശിഖ് ബേപ്പൂർ, വി.പി.സലീം മുട്ടാഞ്ചേരി ,കാസിം പള്ളിത്താഴം, സുബൈദ കുന്ദമംഗലം, എന്നിവർ ചടങ്ങിൽ സംസാരിച്ചു.

Also read: കുട്ടല്ലൂർ വിശാൽ എസ് കുമാർ അന്തരിച്ചു

വിളയിൽ ഫസീലയുടെ സ്മരണാർഥം കലാരംഗത്ത് മികച്ച സംഭാവനകൾ നൽകിയവരെ കണ്ടെത്തി അവാർഡ് നൽകുവാനും ഗാന വിരുന്ന് സംഘടിപ്പിക്കുവാനും തീരുമാനിച്ചു. മുസ്‌ലിം ലീഗ് ജില്ലാ പ്രസിഡണ്ട് എം.എ.റസാഖ് മാസ്റ്റർ, എൻസി അബൂബക്കർ , കെ മൊയ്തീൻകോയ, സി.ജാഫർ സാദിഖ്, ചെയർമാൻ തൽഹത്ത് കുന്ദമംഗലം, കലാ ലീഗ് സംസ്ഥാന പ്രസിഡന്റ് ടി.എം.സി.അബൂബക്കർ. സംസ്ഥന സെക്രട്ടറി മജീദ് അമ്പലക്കണ്ടി, അബൂബക്കർ വെള്ളയിൽ എന്നിവരെ രക്ഷാധികാരികളായി വിപുലമായ സ്വാഗത സംഘം രൂപീകരിച്ചു.

സ്വാഗത സംഘം ചെയർമാൻ സുബൈർ നെല്ലൂളി. വൈസ് ചെയർമാൻമാരായി മുനീറത്ത് ടീച്ചർ മാവൂർ, ടി.കെ.സീനത്ത്. എ.എം. എസ് അലവി, കെ.കെ.കോയ കോവൂർ ,അബ്ദുള്ളക്കോയ ചെറുപ്പ, റുബീന കിണാശ്ശേരി ജനറൽ കൺവീനറായി മുജീബ് റഹ്മാൻ ഇടക്കണ്ടി, കൺവീനർമാരായി.

ഖമറുദ്ദീൻ എരഞ്ഞോളി, എം.കെ ആശിഖ്, സലീം മുട്ടാഞ്ചേരി ,കാസിം പള്ളിത്താഴം, ബഷീർ ചെറുവണ്ണൂർ ട്രഷറർ അബ്ബാസ് താമരശ്ശേരി എന്നിവരേയും വിവിധ സബ് കമ്മറ്റികളേയും തിരഞ്ഞെടുത്തു.