#laborexploitation | തൊഴിൽ ചൂഷണം തടയാൻ ഫിലിം സപ്പോർട്ടിംഗ് ആർട്ടിസ്റ്റുകൾ സംഘടിക്കുന്നു; ഐ ഡി കാർഡുകൾ വിതരണം ചെയ്തു

#laborexploitation | തൊഴിൽ ചൂഷണം തടയാൻ ഫിലിം സപ്പോർട്ടിംഗ് ആർട്ടിസ്റ്റുകൾ സംഘടിക്കുന്നു; ഐ ഡി കാർഡുകൾ വിതരണം ചെയ്തു
Feb 25, 2024 10:39 PM | By VIPIN P V

കോഴിക്കോട് : (newskozhikode.in) സിനിമാ മേഖലയിൽ പ്രവർത്തിക്കുന്ന 40,000 ത്തോളം വരുന്ന സപ്പോർട്ടിംഗ് ആർട്ടിസ്റ്റുകൾ നേരിടുന്ന കടുത്ത തൊഴിൽ ചൂഷണം തടയാൻ കേരള ഫിലിം സപ്പോർട്ടിംഗ് ആർട്ടിസ്റ്റ് അസോസിയേഷൻ ഇടപെടുന്നു.

സപ്പോർട്ടിംഗ് ആർട്ടിസ്റ്റുകൾ കോ-ഓർഡിനേറ്റർന്മാരുടെ ചൂഷണത്തിന് വർഷങ്ങളായിട്ട് വിധേയരായി കൊണ്ടിരിക്കുകയാണ്. നിർമ്മാതാക്കൾ ആർട്ടിസ്റ്റുകൾക്ക് നൽകുവാൻ 1500 മുതൽ 2000 രൂപ വരെ നൽകുന്നുണ്ടെങ്കിലും ആർട്ടിസ്റ്റുകൾക്ക് 300 ഉം 500 ഉം മാത്രമേ നൽകുന്നുള്ളൂ.

അഭിനയമോഹമുള്ളവർ പ്രതികരിക്കാതെ കിട്ടുന്നതും വാങ്ങി സ്ഥലം വിടുന്ന പ്രവണതയാണ് കണ്ടുകൊണ്ടിരിക്കുന്നത്. ഈ മേഖലയിൽ ജോലി ചെയ്യുന്നവർക്ക് മിനിമം ദിവസം 1200 രൂപയും രാത്രി ഷൂട്ടിന് 1500 രൂപയും കിട്ടണമെന്ന് കേരള ഫിലിം സപ്പോർട്ടിംഗ് ആർട്ടിസ്റ്റ് അസോസിയേഷൻ ആവശ്യപ്പെടുന്നു.

ന്യൂ ഇന്ത്യൻ ഫിലിം സൊസൈറ്റിയിൽ അഫിലിയേറ്റ് ചെയ്തു പ്രവർത്തിക്കുന്ന സംഘടനയാണ് കേരള ഫിലിം സപ്പോർട്ടിംഗ് ആർട്ടിസ്റ്റ് അസോസിയേഷൻ. ID കാർഡ് വിതരണവും പൊതുയോഗവും കോഴിക്കോട് ഹോട്ടൽ നളന്ദയിൽ നടന്നു.

പ്രശസ്ത സിനിമാ താരങ്ങളായ വിനോദ് കോഴിക്കോട്, ഡൊമിനിക്ക് ചിറ്റേട്ട്, വിജയൻ കാരന്തൂർ, ഇല്ലിക്കെട്ട് നമ്പൂതിരി, നിർമ്മാതാവും ആക്ടറുമായ ഭാസ്കരൻ വെറ്റിലപ്പാറ, നടിമാരായ അനുമ കോഴിക്കോട്, ലൈല തൃശ്ശൂർ, സിന്ധു നമ്പ്യാർ, പ്രൊഡക്ഷൻ കൺട്രോളർ ബിനു വണ്ടൂർ, പ്രൊഡക്ഷൻ മാനേജർ ദാസുട്ടി പുതിയറ, സംവിധായകരായ റഷീദ് കാപ്പാട്, അർഷാദ് അബ്ദു, റഷീദ് മാത്തോട്ടം തുടങ്ങി സിനിമാ നിർമ്മാതാക്കളും താരങ്ങളും പങ്കെടുക്കുകയുണ്ടായി.


ചടങ്ങിൽ കേരള ഫിലിം സപ്പോർട്ടിംഗ് ആർട്ടിസ്റ്റ് അസോസിയേഷൻ ഫൗണ്ടറും സംസ്ഥാന കോർഡിനേറ്ററുമായ വിജയരാജൻ കഴുങ്ങാൻഞ്ചേരി സ്വാഗതം പറഞ്ഞു.

മുതിർന്ന ആർട്ടിസ്റ്റ് വിനോദ് കോഴിക്കോട് അധ്യക്ഷത വഹിച്ചു. സിനിമ സീരിയൽ ആർട്ടിസ്റ്റ് ഡൊമിനിക്ക് ചിറ്റേട്ട് ഉദ്ഘാടനം നിർവഹിച്ചു. ഐഡി കാർഡ് വിതരണോത്ഘാടനം വിജയൻ കാരന്തൂർ നിർവഹിച്ചു.

ചടങ്ങിൽ സിനിമ സീരിയൽ താരങ്ങളായ ഇല്ലിക്കെട്ട് നമ്പൂതിരിയേയും അനുപമയെയും ആദരിച്ചു. സിനിമ മേഖലയിൽ ഇല്ലാത്ത തസ്തിക ഉണ്ടാക്കി ആർട്ടിസ്റ്റുകൾക്ക് ചെയ്യുന്ന ജോലിക്ക് കിട്ടേണ്ട കൂലിയുടെ 90% വും തട്ടിയെടുക്കുന്നത്.

തടയേണ്ടത് ആവശ്യമാണെന്നും ഈ സംഘടനയ്ക്ക് അതിന് കഴിയട്ടെ എന്നും ഉത്ഘാടന പ്രസംഗത്തിൽ സംവിധായകനും സിനിമ താരവും നിർമ്മാതാവുമായ ഡൊമിനിക്ക് ചിറ്റേട്ട് പറഞ്ഞു.

ജില്ല സംസ്ഥാന ഭാരവാഹികളായ അർക്കനൂർ ശശീധരൻ, ഭാസ്ക്കരൻ വെറ്റിലപ്പാറ, ദാസുട്ടി പുതിയറ, ബിനു വണ്ടൂർ എന്നിവർ സംസാരിച്ചു. അജിത്ത് കുണ്ടായിത്തോട് നന്ദിയും പറഞ്ഞു.

#Film #supporting #artists #organize #stop #labor #exploitation; #ID #cards #were #distributed

Next TV

Related Stories
#accident | കോഴിക്കോട് സ്കൂട്ടറും കാറും കൂട്ടിയിടിച്ച് അപകടം; യുവതി മരിച്ചു

Apr 13, 2024 02:55 PM

#accident | കോഴിക്കോട് സ്കൂട്ടറും കാറും കൂട്ടിയിടിച്ച് അപകടം; യുവതി മരിച്ചു

പൊയിൽകുന്നത്ത് വെച്ച് മുസഫറും ഫർസാനയും സഞ്ചരിച്ച സ്കൂട്ടറും കാറും തമ്മിൽ കൂട്ടിയിടിക്കുകയായിരുന്നു. അപകടത്തിൽ ഫർസാന റോഡിലേക്ക് തെറിച്ചുവീണു....

Read More >>
#childdeath | കോഴിക്കോട് ഒന്നര വയസുകാരി വീട്ടിൽ മരിച്ച നിലയിൽ; മാതാവ് കസ്റ്റഡിയിൽ

Apr 11, 2024 03:37 PM

#childdeath | കോഴിക്കോട് ഒന്നര വയസുകാരി വീട്ടിൽ മരിച്ച നിലയിൽ; മാതാവ് കസ്റ്റഡിയിൽ

അട്ടക്കുണ്ട് പാലത്തിന് സമീപത്ത് ഇന്ന് രാവിലെ 10മണിയോടെയാണ്...

Read More >>
#fire | കോഴിക്കോട് ഐ.ഒ.സി പ്ലാന്റിന് സമീപം അജ്ഞാതര്‍ തീയിട്ടതായി പൊലീസ്; കത്തിച്ചത് 50 കിലോ കേബിള്‍

Apr 9, 2024 10:26 PM

#fire | കോഴിക്കോട് ഐ.ഒ.സി പ്ലാന്റിന് സമീപം അജ്ഞാതര്‍ തീയിട്ടതായി പൊലീസ്; കത്തിച്ചത് 50 കിലോ കേബിള്‍

സമീപത്തെ അടിക്കാടുകളിലേക്ക് തീ പടര്‍ന്നിരുന്നെങ്കില്‍ അത് പെട്ടെന്ന് തന്നെ ഐ.ഒ.സിയിലേക്ക് വ്യാപിച്ച് വന്‍...

Read More >>
#protest | കൺസ്യൂമർഫെഡ് ചന്തയ്ക്ക് വിലക്ക്; ജീവനക്കാർ പ്രതിഷേധിച്ചു

Apr 9, 2024 04:40 PM

#protest | കൺസ്യൂമർഫെഡ് ചന്തയ്ക്ക് വിലക്ക്; ജീവനക്കാർ പ്രതിഷേധിച്ചു

കോഴിക്കോട് മുതലക്കുളം റീജിയണൽ ഓഫീസിന് മുമ്പിൽ നടന്ന പ്രതിഷേധം സിഐടിയു ജില്ലാ പ്രസിഡണ്ട് മാമ്പറ്റ ശ്രീധരൻ ഉദ്ഘാടനം...

Read More >>
Top Stories