#MTRamesh | മുഖ്യമന്ത്രി ബിജെപിയുടെ മുന്നേറ്റം ഭയക്കുന്നു; കടന്നാക്രമണത്തിന് പിന്നിൽ തിരിച്ചറിവ് - എം ടി രമേശ്

കോഴിക്കോട് : (newskozhikode.in) ബിജെപിയുടെ ജയസാധ്യത തിരിച്ചറിഞ്ഞത് കൊണ്ടാണ് മുഖ്യമന്ത്രി ബിജെപിയെ കടന്നാക്രമിക്കുന്നതെന്നും, ബിജെപിയുടെ സാധ്യതകളെ പിണറായി വിജയൻ ഭയപ്പെടുകയാണെന്നും, കോഴിക്കോട് ലോക്സഭാ മണ്ഡലം എൻഡിഎ സ്ഥാനാർത്ഥി എം ടി രമേശ്.

Also read: #Accident | ബൈക്കുകള്‍ കൂട്ടിയിടിച്ച് അപകടം: പരിക്കേറ്റ് ചികിത്സയിലായിരുന്ന കലക്ഷന്‍ ഏജന്റ് മരിച്ചു

തിരഞ്ഞെടുപ്പ് അവസാന ഘട്ടത്തിലേക്കടുക്കുമ്പോൾ കെപിസിസി അധ്യക്ഷനും, പ്രതിപക്ഷ നേതാവുമെല്ലാം ബിജെപിക്കെതിരെ തിരിയുകയാണ്.

Also read: #bodyfound | റബര്‍ തോട്ടത്തില്‍ അഴുകിയനിലയില്‍ അജ്ഞാത മൃതദേഹം കണ്ടെത്തി

ബിജെപി വലിയൊരു ശക്തിയൊന്നും അല്ലെങ്കിൽ എന്തിനാണ് ഇവർ ബിജെപിയെ അക്രമിക്കുന്നെതെന്നും എംടി രമേശ് ചോദിച്ചു.

Also read: #DomesticViolence | വിവാഹം കഴിഞ്ഞിട്ട് ഒരാഴ്ച; നവവധുവിന് മർദ്ദനമെന്ന് പരാതി: പന്തീരാങ്കാവ് സ്വദേശിക്കെതിരെ ​ഗാർഹികപീഡനത്തിന് കേസ്

ഇരു മുന്നണികൾക്കും, ബിജെപിയുടെ ശക്തിയെക്കുറിച്ചും, സാധ്യതയെക്കുറിച്ചും ബോധ്യമുണ്ടെന്നും എംടി രമേശ് കൂട്ടിച്ചേർത്തു വലിയ മുന്നേറ്റം നരേന്ദ്ര മോദിയുടെ വികസനപ്രവർത്തനങ്ങൾക്കനുകൂലമായി കേരളത്തിൽ ഉണ്ടാവുകയാണ്.

ഇത് കോഴിക്കോടും ഉണ്ടാവുമെന്നും, പോളിംഗ് ബൂത്തിൽ എത്തുമ്പോൾ ജനങ്ങൾ ബിജെപിക്ക് അനുകൂലമായി വോട്ട് ചെയ്യുമെന്നും എംടി രമേശ് പറഞ്ഞു.

Also read: #attack | ആശുപത്രിയിൽ ഡോക്ടറെ മർദിച്ച സംഭവം: കോടഞ്ചേരി സ്വദേശിക്കെതിരെ കേസെടുത്ത് പൊലീസ്

പാളയം മാർക്കറ്റ് പൊളിക്കാനുള്ള നീക്കം സദുദ്ദേശപരമല്ല -എം ടി രമേശ്

കോഴിക്കോട്: പാളയം മാർക്കറ്റ് പൊളിക്കാനുള്ള നീക്കം സദുദ്ദേശപരമല്ലെന്ന് എൻഡി എ കോഴിക്കോട് ലോക്സഭാ മണ്ഡലം സ്ഥാനാർത്ഥി എംടി രമേശ്. പാളയം മാർക്കറ്റ് നവീകരിക്കേണ്ടത് പാളയം മാർക്കറ്റ് അവിടെ നിന്നും മാറ്റിക്കൊണ്ടാവരുത്.

പുതിയ കോഴിക്കോട് സൃഷ്ടിക്കേണ്ടത് പഴയതെല്ലാം പൊളിച്ചു കളഞ്ഞു കൊണ്ടാവരുതെന്നും എംടി രമേശ് വ്യക്തമാക്കി പുതിയ കോഴിക്കോട് എന്ന് പറയുന്നത് പഴയതിനോടെല്ലാം ഗുഡ് ബൈ പറയുന്നതല്ല.

പഴയതിനെയെല്ലാം പുതുക്കാൻ വേണ്ടിയിട്ടുള്ള പരിശ്രമം ആണുണ്ടാവേണ്ടതെന്നും എംടി രമേശ് പറഞ്ഞു.സൗത്ത് മണ്ഡലത്തിലെ പര്യടനത്തിനിടയിൽ പാളയത്ത് നൽകിയ സ്വീകരണ യോഗത്തിൽ സംസാരിക്കുകയായിരുന്നു അദ്ദേഹം.

പാളയം മാർക്കറ്റ് നവീകരിക്കാനും, ഗതാഗത കുരുക്ക് പരിഹരിക്കാനുമാണ് ശ്രമിക്കേണ്ടത്. പാളയം മാർക്കറ്റ് പൊളിച്ചു മാറ്റുന്നത് ശരിയല്ലെന്നും, കോഴിക്കോടിന്റെ പ്രൗഢിയും, ഗരിമയും നിലനിർത്തിക്കൊണ്ടാവണം വികസനം ഉണ്ടാവേണ്ടതെന്നും എം ടി രമേശ് പറഞ്ഞു.

ഗുജറാത്തി സ്ട്രീറ്റ്, പാളയം, വെള്ളിഞ്ചേരി , ചാലപ്പുറം, കല്ലായി, പയ്യാനക്കൽ, കണ്ണഞ്ചേരി തുടങ്ങി സൗത്ത് മണ്ഡലത്തിലെ വിവിധ പ്രദേശങ്ങളിൽ ആയിരുന്നു സ്ഥാനാർഥി പര്യടനം.

ഗുജറാത്തി സ്ട്രീറ്റിൽ നൽകിയ സ്വീകരണ യോഗത്തിൽ ബിജെപി ജില്ലാ അധ്യക്ഷൻ വികെ സജീവൻ അധ്യക്ഷത വഹിച്ചു.

ബിജെപി നേതാക്കളായ ടി വി ഉണ്ണികൃഷ്ണൻ,സുധീർ കെ വി, ടി റെനീഷ്, പ്രശോഭ് കോട്ടൂളി,രമ്യ സന്തോഷ്, സിപി വിജയകൃഷ്ണൻ, തുടങ്ങിയവർ സ്ഥാനാർത്ഥിയെ പര്യടനത്തിൽ അനുഗമിച്ചു.

#CM #fears #BJP #advance; #Insights #behind #attack - #MTRamesh